Dünya

Peskov: “Rusiya KTMT-yə görə Qarabağ qarşısında yox, Ermənistan qarşısında öhdəlik daşıyır”

Kollektiv Təhlükəsizlik Müqaviləsindəki (KTMT) öhdəliklərini yerinə yetirən Rusiya Ermənistanı müdafiə edə bilər, lakin bu öhdəliklər Dağlıq Qarabağa aid deyil.

Bu barədə Rusiya Prezidenti Vladimir Putinin mətbuat katibi Dmitri Peskov jurnalistlərə açıqlama verib:

“Təhlükəsizliyin təmin edilməsi baxımından öhdəliklər bunlardır: KTMT üzvü ölkənin hansısa təcavüzə, kənardan hücumlara məruz qaldığı zaman müqaviləyə üzv ölkələr həmin dövləti müdafiə etməyə borcludurlar”.

Rusiya Federasiyasının hansı vəziyyətdə hərbi qüvvələrini Dağlıq Qarabağdakı münaqişə zonasına göndərməyə hazır olması ilə bağlı sualını cavablandıran Peskov qeyd edib ki, bu KTMT çərçivəsindəki öhdəliklərdən irəli gəlir:

“Hazırkı vəziyyətdə söhbət Ermənistandan gedir, Vladimir Putin bu iki məsələyə açıq şəkildə aydınlıq gətirib ki, KTMT öhdəlikləri Qarabağa aid deyil”.

Onun sözlərinə görə, Ermənistan ərazisində bəzi hərbi əməliyyatların aparıldığı barədə məlumat təsdiqini tapmayıb.

Daha əvvəl Rusiya Prezidenti Vladimir Putin Ermənistan rəhbərliyinin Rusiyanın KTMT üzərindəki öhdəliklərini yerinə yetirməsi ilə bağlı ona suallar ünvanlamadığını deyib. O, Rusiya Federasiyasının KTMT-yə üzv olan Ermənistan qarşısında öhdəliklər götürdüyünü xatırladıb və hərbi əməliyyatların Ermənistan ərazisində aparılmadığını vurğulayıb. Xalqtv.az

Related posts

Paşinyanın gizli məktubu ÜZƏ ÇIXDI

Admin

Türkiyə Müdafiə Nazirliyindən Azərbaycan Ordusu ilə bağlı AÇIQLAMA

Admin

Vladimir Putin: “Döyüşlər Ermənistan ərazisində getmir” – VİDEO

Admin

Leave a Comment